06 Mei 2013

Kepriben Kiye, Lik..?


#Banyumasan

Pancen nasib lagi kudune bunek
Tanggal noma ya ora bombong rasane
Apa sing ora ana bae sing dadi masalah

Dina minggu kudune penak turu, malah udan gede campur bledeg. Mawi njeleih pisan nganggo nyamber alat barang koh. Gelem ora gelem kudu temandhang karo meled-meled weruh tanggane pada ayem mlungker nang kamer.

Ya ndilalah..
Ngerti nyong alergi ambulans, mobil ranana sing nganggur pada degawani mudun kota golet jablay. Gelem ora gelem maning sidane mancal montor angkutan wong mriyang go meng tambang.

Mbene rampung pegawean, wis ana sing tulung-tulung nang telpun kon cepetan mbalek. Ketone mandan darurat, gagean ngebut ora urus penumpange mumbul-mumbul ngambah dalam remuk. 

Olih setengah perjalanan ndadak kecegat wong pirang-pirang pada ngadeg nang tengah. Jebule anu ana wong tiba kan motor. Anu lagi kesusu, nyong dolanan klakson njaluk dalan. Lha koh malah ana sing awe-awe marani karo ngomong, "pak jujugna meng rumah sakit ya.."

Gagean nyong semaur, "sori lagi cepetan, lik. Golet mobil liane bae mbok teyeng. Rumangsane ambulan apa kudu nyong sing njujugna..."

Disemauri kaya kuwe wonge ora minggir malah ndomblong kaya anu kesambet. 
Meh tek gentak, malah kedisitan dijoglo kanca karo nggentak, "rumangsane dewek numpak angkot apa..?"

Oalaah rumawi...
Kepriben jajal kiye, lik...
Nembe kelingan nek lagi numpak ambulan...


Intine
Nyong wis mulai pikun apa yah..?
Apa nu wis mangsane ganti oli ndeyan...


37 comments:

  1. ha.ha.ha. iyo kayane mas, oline kudu diganti ...

    BalasHapus
    Balasan
    1. haha sabar minggu ngarep, lik...

      Hapus
    2. nasib..nasib..mulane aja dadi tarzan mas hehe...

      Hapus
    3. kapriwe maning lah
      dalan rejekine nang alas...

      Hapus
  2. weh, aku komanan pertamax kiye ... drigene di kebaki yo mas ... susah golek pertamax nyang kene ... ha.ha.h.a

    BalasHapus
    Balasan
    1. sekali kali dodolan petromak

      Hapus
  3. saya mau komnetar apa ya, meskipun sudah membelalakkan mata dengan zoom 400x, tetap saja saya tidak bisa memahami....yang saya tahu cuma ambulans-nya saja :-)

    BalasHapus
    Balasan
    1. aja melu melu pak
      mbokan rika gemblung mengko...

      Hapus
    2. Asring dolan mriki, kula sampun kelajeng gemblung mas.

      Hapus
    3. mlebu jaman edan, gemblung kuwe sebagian dari iman...

      Hapus
    4. Ooooo, mulane iman kok sak ben dina mlayu-mlayu ora kathokan. Genah pancen separo gemblung.

      Hapus
    5. iman pancen ora kathokan
      sing kathokan kuwe imron..

      Hapus
  4. Kok gagal terus ya komenku. Ndang digantimoline Kang.

    BalasHapus
  5. hahhaaaaaaaa..........mesti bingung yak, endi sing kudu di disitno...

    BalasHapus
  6. itu bahasa jawa bukan sih?
    kok aku gak ngerti

    BalasHapus
    Balasan
    1. itu induknya bahasa jawa Mbak. orisinil

      Hapus
    2. wis biasa lik kacang klalen lanjarane...

      Hapus
    3. @ Elsa: mending gak ngerti, mbak. Ketimbang kebanyakan ketawa malah katut gemlung.

      Hapus
  7. njajal nek numpak montor perang sing biasane mesti bablas..

    BalasHapus
    Balasan
    1. paling rika sing gelem nunut..

      Hapus
  8. ya arena ge wis kepala enem, dadine wis pikun mas hehe...

    BalasHapus
  9. what language is this?

    BalasHapus
    Balasan
    1. Weleh, piyantun Hong Kong yo katut kesrempet ambulance, to?

      Hapus
    2. blogger ayu dewek
      ayu dari hongkong...

      Hapus
  10. buakakak, wes wayahe ngetab kang

    BalasHapus
    Balasan
    1. urung bocor lah oline, lik...

      Hapus
  11. wkwkwk.... wis dielingna karo Mr. U... :)

    BalasHapus
  12. aku paham ume..
    hahaahahaha.. terus mbonceng belih eh.

    BalasHapus
    Balasan
    1. lhaaa nek kuwe wis mlebu brebes yu
      belih cara banyumasan artine bodo amat...

      Hapus

Sebelum membaca jurnal ini mohon untuk membaca Disclaimer dari Blog Rawins. Memberikan komentar dianggap telah menyetujui Disclaimer tersebut. Terima kasih

© 2011 Rawin, AllRightsReserved.

Designed by ScreenWritersArena